مآلِ سوزِ غم ہائے نہانی دیکھتے جاؤ

[intelligent086]

مآلِ سوزِ غم ہائے نہانی دیکھتے جاؤ
بھڑک اٹھی ہے شمعِ زندگانی دیکھتے جاؤ

چلے بھی آؤ وہ ہے قبرِ فانی دیکھتے جاؤ
تم اپنے مرنے والے کی نشانی دیکھتے جاؤ

غرورِ حسن کا صدقہ کوئی جاتا ہے دنیا سے
کسی کی خاک میں ملتی جوانی دیکھتے جاؤ

بہارِ زندگی کا لطف دیکھا اور دیکھو گے
کسی کے عیشِ مرگِ ناگہانی دیکھتے جاؤ

سنے جاتے نہ تھے تم سے مرے دن رات کے شکوے
کفن سرکاؤ میری بے زبانی دیکھتے جاؤ

ادھر منہ پھیر کر کیا ذبح کرتے ہو
ادھر دیکھو مری گردن پہ خنجر کی روانی دیکھتے جاؤ

ابھی کیا ہے کسی دن خوں رلائے گی یہ خاموشی
زبانِ حال کی جادو بیانی دیکھتے جاؤ

وہ اٹھا شورِ ماتم آخری دیدارِ میت پر
اب اٹھا چاہتی ہے نعشِ فانی دیکھتے جاؤ

فانی بدایونی

Similar Threads:

• موسمِ گلزارِ ہستی ان دنوں کیا ہے نہ پوچھ
• بہت مِلا نہ مِلا، زندگی سے غم کیا ہے
• روکتا ہے غمِ اظہار سے پِندار مُجھے
• غمِ زمانہ نے جھاڑی، نشاطِ عشق کی مستی
• چراغِ زخمِ تمنا کی لو بڑھائے ہوئے

[UmerAmer]

Bohat Khoob

[intelligent086]

Bohat Khoob

پسند کرنے کا بہت بہت شکریہ